﻿Zabur 4
PIINTADUWA DO SODOP DO MOKITULUNG

(Pemimpin)
! Bahagi di maangagazad do kuaya. Anggaton do gusapi. Zabur di Daud.

(Jemaat)
Timpa no ong kodung mongodim oku Dikau, Kinoringan i maangapad dohon! I hiza dot osusa oku di gulu, riumikot Ko monulung dohon. Biano sianai oku no, om iningo no i piintaduwa ku!

(Pemimpin)
Ot ongoulun, songkuro kalaid do mongusiba kou dohon? Songkuro po ka kalaid do manamod kou dit aso guna, om mogihim do vudut?

(Jemaat)
Hondomo no do nokopomili no i TUHAN dit ulun dit atatap sid Dau do songonuvon Dau, om mongining i TUHAN ong kodung mongodim oku Dau.

(Pemimpin)
I humungot kou, kadan no mangagama do sala. Uogo no i hal dino pivozo'on mozom, di hiza di mili-gili ko sid oodopon nu.

(Jemaat)
Pasambao no it isamba dot abanal, om pangasip no sid TUHAN.

(Pemimpin)
Ogumu ot ulun mintaduwa dot,“O TUHAN tahakai okoi no do barakat do kilaba. Harapon dot ozi ko dahai,” ka.

(Jemaat)
Ikau no o pohigak di ginavo ku mantadko it ulun dit alaba do kaakanan om kenuman.

(Semua)
Sabap ino, gumili oku om modop dot osinang; O TUHAN, baiko Ikau ot ahatul o paanaud dohon.

